АНУ-ын ОХУ-ын эсрэг авсан хориг
арга хэмжээ нь криптовалютыг нэвтрүүлэхэд чухал үүрэг гүйцэтгэсэн бөгөөд Газпромнефть
зэрэг газрын тосны аварга компаниуд
байгалийн баялгийг ашиглах шинэ арга замыг эрэлхийлэхэд хүргэсэн. Энэ нь криптовалютын олборлолт юм.
6-р сарын 16-нд Оросын газрын тос,
байгалийн хийн тэргүүлэгч
Газпромын охин компани Газпромнефть нь Швейцарийн биткойн олборлогч BitRiver
компанитай 2 жилийн хугацаатай хамтран ажиллах гэрээ байгуулж, криптовалют
олборлохоор болжээ.
Санкт-Петербургийн олон улсын эдийн
засгийн форум дээр зарласнаар хоёр компани Орост Газпромын газрын тос олборлох
үйл ажиллагааны явцад ялгарч буй нүүрстөрөгчийн давхар ислийн (CO2) илүүдэл
цахилгааныг ашиглан крипто олборлох аж.
BitRiver-ийн үүсгэн байгуулагч,
Гүйцэтгэх захирал Гор Рунец хэлэхдээ, "Газпромнефть" компанийн
дэмжлэгтэйгээр Орост олборлолтын
дэд бүтцийг бий болгохоор төлөвлөж байна гэжээ. Дэд бүтэц нь 2 Гигаватт хүртэл цахилгаан эрчим хүч гаргах
бөгөөд энэ нь АНУ-ын олборлолтын
Riot Blockchain компанийн Техаст барьсан байгууламжаас хамаагүй том юм.
BitRiver бол Оросын эсрэг авсан хориг арга
хэмжээний хүрээнд багтсан анхны барууны криптовалют
олборлогч компани юм. Гэсэн хэдий ч тус компани АНУ-ын буруутгаж буй шалтгааныг "үндэслэлгүй,
худал" гэж мэдэгдээд, хэвийн үйл ажиллагаагаа үргэлжлүүлсээр байна гэв.
Биткойн болон криптовалютын
олборлолт нь эрчим хүчний өндөр зарцуулалтаас болж байгаль хамгаалагчдын анхаарлыг татсан сэдэв
болоод байна. Гэхдээ дээрх хамтын ажиллагаа нь CO2 ялгаруулалтыг бууруулах юм.
Энэ нь Газпромнефть крипто
олборлолтын зах зээлд анх удаа орж байгаа явдал биш. 2020 оны сүүлээр тус
компани ОХУ-ын Сибирь дэх газрын тосны өрөмдлөгийн талбайнхаа нэгэнд криптовалют
олборлох газрыг нээсэн. Гэхдээ
энэ нь олборлолтын фермүүдийг
ажиллуулахгүй, харин олборлолтын
цахилгаан эрчим хүчээр хангах зорилготой байв.
