Криптовалют дээр төвлөрсөн венчур капиталын фирм Дижитал валют групп (DCG) нь өнгөрсөн жил 1.1 тэрбум долларын алдагдал хүлээсэн байна.
Крипто зах зээлийн уналт болон түүний охин компани болох Genesis дампуурсан явдал нь уналтын гол шалтгаан болжээ.
Албан ёсны мэдэгдэлдээ тус
компани “Биткойн болон крипто хөрөнгийн үнийн бууралтын сөрөг нөлөөллөөс
гадна Three Arrows Capital-ийн дефолт нь Genesis-д үзүүлэх
нөлөөнөөс улбаалан ийнхүү их хэмжээний алдагдалтай гарлаа" гэв.
Genesis нь зарим асуудалтай тулгарсан цорын ганц DCG охин компани биш гэдгийг дурдах нь зүйтэй. Лондонд төвтэй дижитал хөрөнгийн платформ Луно саяхан "Технологийн салбар болон крипто зах зээлийн хувьд хүнд жил боллоо" хэмээн ажилчдынхаа 35%-ийг халсан.
DCG 2022 оны 4-р улирлыг 24 сая долларын алдагдалтай дуусгасан бол 143 сая долларын орлоготой байв. Бүтэн жилийн нэгдсэн орлого 719 сая долларт хүрсэн.
2022 оны 12-р сарын эцсийн байдлаар DCG нь нийт 5.3 тэрбум долларын
хөрөнгөтэй бөгөөд үүний ердөө 262 сая доллар нь мөнгө ба түүнтэй адилтгах
хөрөнгө байжээ.
