АНУ-ын Засгийн газрын санхүүгийн хамгийн том зохицуулагчид ням гарагт хамтарсан мэдэгдэл гаргаж, Silicon Valley Bank (SVB) дахь сүүлийн хадгаламж эзэмшигч бүрийг, тэр ч байтугай холбооны стандарт хадгаламжийн даатгалд бүрэн хамрагдаагүй байсан ч гэсэн хадгаламжийг нь хамгаалахаа амлажээ.
Мэдээний хариуд Bitcoin болон USDC
хоёулаа банк дампуурахаас өмнөх ханшийн түвшиндээ хурдан буцаж ирэв.
Холбооны нөөцийн сан, Төрийн сангийн газар, Холбооны хадгаламжийн даатгалын корпораци хамтран 3-р сарын 13-ны даваа гараг гэхэд хадгаламж эзэмшигч бүр мөнгөө авах боломжтой болно гэж мэдэгдлээ. Тогтоолын хүрээнд татвар төлөгчид зардлаа хариуцна.
Үүний эсрэгээр хувьцаа эзэмшигчид болон “тодорхой баталгаагүй өр эзэмшигчид” хамгаалагдахгүй.
Билл Акманаас эхлээд Марк Кубан хүртэл олон тооны бизнесийн удирдагчид SVB-ийн бүтэлгүйтлээс үүдэлтэй халдварыг зогсоохыг өнгөрсөн амралтын өдрүүдэд засгийн газарт уриалсан. 3.3 тэрбум долларын USDC-ийн нөөцтэй байсан Stablecoin гаргагч Circle ижил төстэй арга хэмжээ авахыг мөн уриалжээ.
Үүний дараагаар Circle-ийн Гүйцэтгэх захирал Жереми Аллайр USDC-ийн бүх нөөц найдвартай болсон бөгөөд SVB-ийн хуучин нөөцийг одоо BNY Melon-д шилжүүлнэ гэж батлав.
Баасан гарагт Circle SVB-ийн дампууралд өртөж байгаагаа илчлэх үед ханшаа алдсан боловч USDC одоо 0.9943 доллараар арилжаалагдаж, бараг л 1 долларын ханш руу буцсан байна.
Энэ мэдээний дараа мөн биткойны ханш өсч, пүрэв гарагаас хойш анх удаагаа 22,000 доллараас давлаа.
