АНУ-ын банкны салбарыг тойрсон айдастай байгаа хэдий ч ХНС буюу Төв банк лхагва гаригт бодлогын хүүгээ 25 суурь нэгжээр өсгөх замаар инфляцийг дарах төлөвлөгөөгөө хэрэгжүүлэв.
Энэхүү шийдвэр нь биткойны үнэд ихээхэн нөлөөлсөн бөгөөд зарласнаас хойш 5 минутын дотор 300 доллараар өсөв.
Биткойны ханш өдрийн арилжаагаа 28,216 ам.доллараар эхлүүлж байсан бол FOMC-ийн өмнө 28,417 ам.доллар хүртэл өссөн байна.
Дараа нь хүүгийн шийдвэр гарсны дараа уг хөрөнгө 28,752 доллар болж өсчээ. Одоогийн байдлаар бага зэрэг буурч 28,280 доллараар арилжаалагдаж байна.
Coinglass-ийн мэдээлснээр, мэдэгдэл гарснаас хойш сүүлийн 1 цагийн дотор $19.64 сая позицууд хаагдсан байна.
Энэхүү шийдвэр нь ХНС-ын бодлогын хүүг 4.75% -аас 5% хүртэл өсгөсөн.
2-р сард ХҮИ-ийн инфляци 6%-д хүрч, ХНС бодлогын хүүгээ өндөр байлгаснаар 2%-ийн зорилтот түвшинд хүргэхийг зорьж байна.
Түүнчлэн "Хорооны зүгээс инфляцийг цаг хугацааны явцад 2 хувьд хүргэх хангалттай хязгаарлалттай мөнгөний бодлогын байр сууринд хүрэхийн тулд зарим нэмэлт бодлогыг чангатгах нь зүйтэй гэж үзэж байна" гэж Төв банк мэдэгдэв.