FTX-ийн гүйцэтгэх захирал асан хязгаарлагдмал функцтэй шинэ зөөврийн компьютертэй болно. Энэ нь тусгайлан нэгдсэн хяналтын программ хангамжаар дамжуулан түүний хэрэглээний үйл ажиллагааг хянах аж.
Мөн SBF-ийн харилцаа холбоо нь түүнд интернетэд холбогдох боломжгүй утас өгснөөр хязгаарлагдах болно. Түүнд зөвхөн мессеж илгээх, дуут дуудлага хийх боломжтой бөгөөд бусад бүх мессежийн програмыг хориглоно.
Банкмен-Фридийн эцэг эх Барбара Фрид, Жозеф Банкман нар түүний төхөөрөмжид нэвтрэх эрхийг хязгаарлахыг зөвшөөрч, гэрт нь хориглосон зүйл оруулахгүй байх тухай тангараг өргөсөн мэдэгдэлд гарын үсэг зуржээ.
Дүрмийг зөрчсөн гэж сэжиглэж байгаа тохиолдолд хууль сахиулах ажилтнууд SBF-ийн утас, зөөврийн компьютерт нэгжлэг хийх эрхтэй.
Олон хүмүүс FTX-ийн сүйрлийн гол
буруутан гэж үзэж байгаа SBF-ийн шүүх хурал аравдугаар сарын эхээр болох бөгөөд үүний дараа түүнийг сүйрэлд ямар нэгэн үүрэг гүйцэтгэсэн эсэх,
хөрөнгө оруулагчдын хохирлын зэргийг тодорхойлох болно.
Тэрээр өнгөрсөн оны сүүлчээр Багамын шоронд хэсэг хугацаанд хоригдож байгаад дараа нь эх орондоо албадан ирсэн юм. АНУ-ын эрх баригчид түүнийг холбооны шоронд орохын оронд 250 сая долларын барьцаагаар шүүх хурал болтол эцэг эхийнхээ гэрт амьдрахыг зөвшөөрсөн юм.
