Binance нь криптовалютын талаар
суралцах хүсэлтэй хэрэглэгчдэд зориулсан дижитал академийг санал болгосоор ирсэн билээ. Технологийн
дэвшлийн ачаар тус компани бүх хэрэглэгчдийнхээ суралцах үйл явцыг хялбаршуулсан хиймэл оюун ухаанд
суурилсан үнэгүй сургалтын хэрэглүүрийг гаргажээ.
Дөрөвдүгээр сарын 24-нд дэлхийн
хамгийн том криптовалютын бирж болох Binance өөрийн Академидаа хиймэл оюун ухаанаар ажилладаг Web3 “Binance
Sensei”-ийн албан ёсны нээлтээ зарлав.
Мэдэгдэлд дурдсанаар, AI-д
суурилсан тус сургалтын шинэлэг хэрэгсэл нь "суралцах явцыг нэмэгдүүлэхийн тулд"
хэрэглэгчийн хайлтыг оновчтой болгож, боловсролын үйл явц нь крипто коммунитигийн хувьд илүү үр бүтээлтэй,
сонирхолтой байх болно гэжээ.
Binance нь хиймэл оюун ухааныг
ашиглан боловсролд шинийг санаачлах зорилготой
Binance Sensei-ийн зорилго нь
Binance Academy-ийн хэрэглэгчид өөрсдийн мэргэжлийн түвшингээс үл хамааран
платформ дээрх бүх мэдлэгийг илүү ойлгомжтой байдлаар олж авах явдал юм.
Binance Sensei нь хамгийн сүүлийн
үеийн ChatGPT технологиор ажилладаг бөгөөд OpenAI-ийн 2022 онд боловсруулсан
хиймэл оюун ухааны хэлний платформ нь өдөр бүр сая сая хүмүүсийн хамгийн өргөн
хэрэглэгддэг технологийн хэрэгслүүдийн нэг болжээ.
AI хэрэгслийг ашиглахын тулд
хэрэглэгчид зүгээр л Binance Академийн вэбсайт руу нэвтэрч, Sensei bot дүрсийг
олж харьцаж эхлэх хэрэгтэй. Асуулт асуусны дараа биржийн Sensei chatbot нь 150
үгтэй, тодорхой хариулт бүхий хураангуйг үүсгэж, тухайн сэдвээр холбогдох
гурван нийтлэлийг санал болгоно.