Блокчэйн болон ухаалаг гэрээний аюулгүй
байдлын Certified Kernel Tech компанийн мэдээлснээр 4-р сард
криптотой холбоотой хакер халдлага болон луйваруудаас учирсан алдагдал 103 сая
долларт хүрчээ.
CertiK-ийн тооцоолсноор өнгөрсөн
сард хакеруудын крипто төслөөс урсгаж чадсан нийт хэмжээ нь ойролцоогоор 103.6
сая долларын дижитал хөрөнгө байсан. Үүнээс луйврын үр дүнд 9.3 сая бол гэнэтийн халдлагааас үүдэлтэй бараг алдагдал 20
сая доллартай тэнцэж байна.
Дөрөвдүгээр сард болсон томоохон
үйл явдлуудын зарим нь "сэндвичний халдлага" гэж нэрлэгдэх Ethereum Maximal Extractable Value (MEV) роботоос хулгайлагдсан 25 сая доллар
юм.
Bitrue бирж дээрх хакердалтыг бас
дурдах нь зүйтэй. Тус компани өнгөрсөн сарын эхээр халуун түрийвчнээсээ ETH,
QNT, GALA, SHIB, HOT, MATIC зэрэг
зоосуудыг алдаж 23 сая
ам.долларын алдагдал хүлээсэн. Bitrue "аюулгүй байдлын нэмэлт шалгалт
хийх" зорилгоор 4-р сарын 18 хүртэл мөнгө таталтыг түр зогсоож, үлдсэн
түрийвчэнд нөлөөлөөгүй гэж батлав.
Үүнтэй ижил асуудалтай тулгарсан
өөр нэг крипто бирж бол Өмнөд Солонгосын GDAC юм. Халдагчид 4-р сарын 10-нд
Gdac Hot Wallet-ыг эвдэж, 60 гаруй BTC, 350.5 ETH, 10,000,000 WEMIX, 220,000
USDT (тухайн үед нийтдээ 13 сая доллараар үнэлэгдсэн) халаасалсан.
Хулгайлагдсан дүн нь платформын нийт хөрөнгийн 23 орчим хувийг эзэлж байна.
GDAC яаралтай арга хэмжээ авч хакерын ажиллагааг илрүүлсний дараахан мөнгө байршуулах, татан
авах ажиллагааг зогсоосон. Мөн гэмт хэрэгтнүүдийг илрүүлж, үйл ажиллагаагаа сэргээхийн тулд Солонгосын агентлагууд болон өрсөлдөгч компаниудтай хамтран
ажиллажээ.
Өнгөрсөн сард болсон бусад
тохиолдлуудад 10.2 сая долларын Yearn Finance-ийн халдлага, 7.5 сая долларын Hundred Finance халдлага,
3.3 сая долларын SushiSwap хакер халдлага гэх зэрэг багтаж байна.
