Бутан биткойны олборлолтоо дэмжихийн тулд 500 сая доллар босгожээ

2023-05-04

Бутаны хааны засгийн газрын хөрөнгө оруулалтын нэгж болох Druk Holding & Investments компани нь Nasdaq-д бүртгэлтэй Bitdeer Technologies Group компанитай хамтран Гималайн эрэгт биткойн олборлох үйл ажиллагааг дэмжих 500 сая долларын сан байгуулахаар болжээ.

Сүүлийн үеийн эх сурвалжууд тус улс усан цахилгаан станцаа ашиглан 2017 оноос хойш BTC-ийг нууцаар олборлож байсан гэж таамаглаж байна.

Түүнчлэн Өмнөд Азийн далайд гарцгүй тус улсын засгийн газар биткойн олборлолтыг тэргүүлэх хүчин зүйлээ болгохоор шийдсэн бололтой. Үүний тулд Druk Holding & Investments компани Bitdeer-тэй хамтран хагас тэрбум долларын сан босгох гэрээг үзэглэжээ. Санхүүжилт нь Бутаны усан цахилгааны нөөцийг ашиглах замаар тус бүс нутагт ногоон крипто олборлолтыг хөгжүүлэх аж.

Тус сан нь 5-р сарын сүүлчээс институциональ хөрөнгө оруулагчдад чиглэж эхлэх төлөвтэй байгаа бол Druk болон Bitdeer санхүүгийн дэмжигчээр оролцох болно.

Сингапурт төвтэй крипто олборлолтын аварга компани Bitdeer нь Бутанд 100 мегаваттын хүчин чадалтай олборлолт явуулах барилгын ажлыг хариуцаж байна. Барилгын ажлыг оны хоёрдугаар улиралд эхлүүлж, есдүгээр сард дуусгах төлөвтэй байна.