Кенийн засгийн газар тус улсын төсвийн алдагдлыг бууруулж, дотоодын орлогыг нэмэгдүүлэхийн тулд криптовалют шилжүүлэгт 3 хувийн татвар ногдуулахаар төлөвлөж байна.
Кени улс нь крипто хэрэглээгээрээ Африк тивд тэргүүлэгчдийн нэг юм. Төв банкны ерөнхийлөгч Патрик Нжороге өмнө нь биткойн нь албан ёсны мөнгөн тэмдэгтийнхээ ханшийн уналттай холбоотой асуудлыг шийдэж чадна гэж хэлж байсан.
Шинэ хуулийн төсөлд криптог оруулав
Bloomberg-ийн мэдээлснээр Кенийн хууль тогтоогчид криптовалют шилжүүлэх, солилцоход 3%-ийн татвар ногдуулхаар болжээ.
Энэхүү санал нь Африкийн улсын санхүүгийн байдлыг тогтворжуулах боломжтой шинээр боловсруулсан хуулийн төслийн нэг хэсэг юм. Ерөнхийлөгч Уильям Руто таван жилийн дотор татвар хураамжийг 5 триллион шиллинг буюу 37 тэрбум ам.долларт хүргэж хоёр дахин өсгөхөөр төлөвлөж байна.
Кенийн хууль тогтоогчид уг хуулийг баталсан тохиолдолд долдугаар сарын эхнээс албан ёсоор хэрэгжинэ. Тус улс эхний 365 хоногийн хугацаанд ойролцоогоор 21 тэрбум ам.долларын орлого олно гэж тооцоолж байна (одоогийн санхүүгийн жилийн хүлээгдэж буй орлогоос 14% илүү).
Кени улс хүн амынх нь 16 гаруй хувь нь олон улсын ядуурлын шугамаас доогуур орлоготой, дундаас доогуур орлоготой эдийн засагтай орон юм. Эдийн засгийн тэгш бус байдал, эрүүл мэндийн асуудал, төрийн авлига зэрэг нь сөрөг хандлагын гол хүчин зүйл. Асуудалтай хэдий ч зүүн болон төв Африкийн хамгийн өндөр хөгжилтэй мужуудын нэг хэвээр байна.
