АНУ-ын Үндэсний аюулгүй байдлын агентлаг (NSA), Кибер аюулгүй байдал, дэд бүтцийн аюулгүй байдлын агентлаг (CISA), Холбооны мөрдөх товчоо (ХМТ) болон Их Британийн Үндэсний кибер аюулгүй байдлын төв (NCSC) нар крипто түрийвч болон биржүүдэд чиглэсэн хортой програмаас сэрэмжтэй байхыг хэрэглэгчдэд анхааруулсан хамтарсан тайлан гаргажээ.
Тайланд Оросын кибер халдагчид Украины армийн эсрэг явуулсан хортой программ кампанит ажлыг илчилсэн байна.
Оросын төрийн ивээн тэтгэсэн хортой програм
Украины цэргийн албан хаагчдын ашигладаг Андройд төхөөрөмжүүдэд зориулагдсан шинэ төрлийн хортой програм нь олон нийтийн анхаарлыг татаад байна. Infamous Chisel гэгддэг энэхүү хортой програм нь халдсан төхөөрөмжүүдэдээ зөвшөөрөлгүй нэвтрэх боломжийг олгодог бөгөөд файлуудыг сканнердах, сүлжээний урсгалыг хянах, гэмтсэн хөдөлгөөнт төхөөрөмжөөс эмзэг мэдээллийг үе үе гаргаж авах зорилгоор тусгайлан бүтээгдсэн.
Энэхүү хортой програм нь ОХУ-ын цэргийн тагнуулын агентлагийн дэргэд ажилладаг, GRU-ийн дэргэд ажилладаг кибер дайны нэгж болох Sandworm-ын үйл ажиллагаатай холбоотой гэж үзжээ.
Хулгайлагдсан өгөгдөлд Binance болон Coinbase зэрэг арилжааны програмуудын лавлах мэдээлэл, мөн Trust Wallet програмын мэдээлэл багтсан байна. Эдгээр жагсаалтад багтсан бүх файлуудыг файлын төрлөөс үл хамааран татаж авах боломжтой байгааг тайланд онцолсон.
Нэмж дурдахад уг тайланд Infamous Chisel-ийн бүрэлдэхүүн хэсгүүд нь илрүүлэхээс зайлсхийх эсвэл хорлонтой үйлдлүүдээ нуун дарагдуулахын тулд хүний анхаарлыг төдийлөн татагддагүй байхаар бүтээгдсэн бололтой.
Иймээс утсан дээрээ байгаа апп-уудаа шалгаж анхааралтай байхыг санууллаа.
