Сүүлийн хэдэн сарын хугацаанд BTC-ийн үнэ өсөх хандлагатай байгаа ба уг салбартай хүчтэй холбоотой зарим хувьцаанууд мөн адил нисч байна.
Он гарснаас хойш хувьцааны үнэ нь 250 гаруй хувиар өссөн MicroStrategy болон Coinbase (COIN)-ийн хувьд мөн хугацаанд 240%-иар өссөн тохиолдлуудыг дурьдах нь зүйтэй.
Геополитикийн хурцадмал байдал, үйлдвэрлэлийн уналт зэрэгт зах зээлийн үнэ хэдэн сарын дотор 50 гаруй хувиар буурсан аймшигт 2022 оны дараа криптотой холбоотой бараг бүх компани, төсөл, хөрөнгө 2023 оны эхээр уналттай тэмцэж байв.
АНУ-ын хамгийн том крипто бирж болох Coinbase болон BTC-ийн хамгийн том корпорац эзэмшигч MicroStrategy-ийн хувьцааны үнэ олон сарын доод түвшинд хүртэл буурчээ.
COIN 2023 онд 34 доллараар орж ирсэн бол MSTR 145 долларын үнэтэй байв. Гэсэн хэдий ч шинэ он илүү өөдрөгөөр эхэлсэн бөгөөд хоёр компанийн хувьцаа зах зээлийн бусад хувьцаануудаас илүү өндөр өсөлттэй байна.
2023 онд хэд хэдэн өсөлт, уналтын дараа MSTR саяхан 500 долларын түвшинг давж, 2022 оны 1-р сараас хойш анх удаа 520 долларын ханшийг тогтоолоо.
COIN-ийн ханш саяхан нэг жилийн хугацаанд хамгийн өндөр үнээ $115-д хүргэв.
Эдгээр олон сарын оргилууд нь биткойны өсөлттэй давхцаж байсныг тэмдэглэх нь зүйтэй, учир нь үндсэн криптовалют саяхан 18 сарын хугацаанд анх удаа 38,500 доллар болж өссөн байна.
