Хөрөнгө оруулагчид АНУ-ын төв банкнаас энэ долоо хоногийн сүүлээр зарлах мэдээг хүлээж байгаа тул тэд эрсдэлтэй хөрөнгөө хаяж эхлэснээр долоо хоногт анх удаа биткойны үнийг 22,000 ам.доллараас нэлээд доошлуулав.
Зах зээлийн үнэлгээгээр хамгийн том криптовалют саяхан 21,600 доллараар арилжаалагдаж байсан нь сүүлийн 24 цагийн хугацаанд бараг 5%-иар буурсан үзүүлэлт юм. Өнгөрсөн лхагва гаригт биткойны ханш 24,000 ам.долларыг давснаас хойш дөрвөн өдөр дараалан унаж байна.
Зах зээлийн үнэлгээгээр хоёр дахь том крипто болох Ether нь саяхан 1500 доллараас доошилж, мөн хугацаанд 8%-иас дээш буурав. Бусад томоохон алткойнууд 10-аас илүү хувиар уналаа.
Оанда Америкийн ахлах шинжээч Эдвард Моя өнөөгийн зах зээлийн байдлын талаар хэлэхдээ "Хөрөнгө оруулагчид 75 суурь нэгжээр хүүг өсгөх шийдвэрийг хүлээж байгаа тул криптовалютууд ерөнхийдөө сул байна. Мөн геополитикийн хурцадмал байдал нэмэгдэж байгаа нь долларын ханшийг дэмжиж, криптод дарамт учруулах болно" гэв.
Крипто зах зээлийн уналт даваа гаригт хөрөнгийн индексэд нөлөөлж Nasdaq болон S&P 500 бага зэрэг буурсан байна. Уламжлалт найдвартай хөрөнгө оруулалт гэгддэг алтны ханш мөн буурав.
