CivicScience хэрэглэгчийн судалгааны платформоос нийтэлсэн шинэ тайланд дурдсанаар сүүлийн хэдэн сарын хугацаанд хөрөнгө оруулагчдын 54 орчим хувь нь криптовалютаа зараагүй байна.
Гэсэн хэдий ч
криптовалютын хөрөнгө оруулагчдын дөрөвний нэг нь бараг бүх криптогоо зарсан
байна. Судалгаанд оролцогчдын 20 хувь нь зөвхөн бага хэмжээний криптогоо заржээ.
Хүний орлого болон криптовалют хадгалах чадвар хоёрын хооронд шууд хамаарал байдаг нь гайхмаар зүйл биш юм. Жилд 150,000 доллараас дээш орлого олдог хөрөнгө оруулагчид ихэвчлэн криптод өндөр итгэл үнэмшилтэй байдаг бөгөөд тэдний 70 орчим хувь нь сүүлийн хэдэн сарын хугацаанд юу ч зараагүй байна. Үүний эсрэгээр, жилийн орлого нь 50,000 доллараас доош хүмүүсийн дийлэнх нь эзэмшиж буй бүх хөрөнгөө эсвэл зарим хэсгийг нь зарсан.
Том зургаар нийт хүн амын 20 орчим хувь нь криптовалютанд хөрөнгө оруулалт хийжээ. Түүнчлэн ихэнх нь Bitcoin, Dogecoin, Ethereum зэрэг дижитал хөрөнгийг мэддэг гэв.
Үүнээс гадна сүүлийн үеийн криптовалютын уналт нь эрсдэлд дургүй хөрөнгө оруулагчдын сонирхлыг ихээхэн бууруулсныг харуулж байна.
Мөн санал асуулгад оролцогчдын тодорхой хувь нь үүнийг ойлгохгүй байгаа тул криптод орох дургүй байдаг гэсэн бол зарим нь түүний хэт тогтворгүй байдлаас болж орохгүй гэдгээ илэрхийлжээ.
