FTX-ийг үүсгэн байгуулагч Сэм Банкман-Фрид залилан мэхэлсэн хэрэгт буруутгагдсан ялын эсрэг давж заалдах хугацаа дуусахаас хэдэн цагийн өмнө давж заалдсан байна.
Тодруулбал SBF-ийн хууль ёсны тэмцэл өнгөрсөн арваннэгдүгээр сард түүнийг FTX-ийн үйлчлүүлэгчид болон Alameda Research-ийн хөрөнгө оруулагчдыг залилан мэхэлсэн гэх мэт долоон хэргээр ял сонссоноор эхэлсэн.
Энэ сарын эхээр Банкмен-Фрид 25 жил холбооны шоронд хоригдож, гурван жилийг хяналтан дор суллаж, 11 тэрбум ам.доллар хураан авах ял оноожээ. Прокурорууд энэ хэргийг түүхэн дэх хамгийн том санхүүгийн луйврын нэг гэж нэрлэсэн.
Манхэттэн дэх АНУ-ын Давж заалдах шатны 2-р шүүхийн гурван шүүгчийн бүрэлдэхүүн одоо давж заалдах гомдлыг хянана. Гэсэн хэдий ч энэ нь ялах магадлал 10% хүрэхгүй байгааг статистик харуулж байна. Давж заалдах гомдол 2-р тойрогт бүтэлгүйтсэн тохиолдолд Банкман-Фридийн эцсийн арга нь АНУ-ын Дээд шүүхэд өргөдөл гаргах болно.
Үүний зэрэгцээ, FTX-ийг үүсгэн байгуулагчийг тойрсон энэхүү мэдээний дараа FTT үнэ 15% -иар өсч 1.82 доллар болжээ. Үүнийг бичиж байх үед FTT 1.71 доллараар арилжаалагдаж байгаа нь сүүлийн 24 цагийн дотор 4%-иар өссөн үзүүлэлт юм.
