Биткойн 6 хоног уналттай байсны эцэст өнөө өглөө 1%-иар өсөж ойролцоогоор 23,200 ам.доллар болжээ.
Өчигдөр 8000 гаруй түрийвч, түүний дотор хэд хэдэн Солана түрийвчийг хамарсан криптовалютын хамгийн сүүлийн үеийн томоохон хакердлагын дараа зах зээлийн үнэлгээгээр хамгийн том криптовалют бараг хөдөлгөөн үзүүлсэнгүй.
Гэвч Соланагийн SOL токен сүүлийн 24 цагийн дотор 4.2%-иар буурсан ба он гарсаар 76%-иар буурсан байна. Зах зээлийн үнэлгээгээр есдүгээрт ордог криптовалют нь техник шинжилгээний хувьд 50 хоногийн энгийн хөдөлгөөнт дунджаас (SMA) доош буугаагүй нь зарим томоохон Солана эзэмшигчид хадгалсаар байх магадлалтайг харуулж байна.
Түүнчлэн сүүлийн хоёр долоо хоногт биткойн шинэ хүрээ рүү орсон бололтой, одоо 21,200-аас 24,400 ам.долларын хооронд хэлбэлзэж байна. Өмнөх долоо хоногт 17,000 ам.доллараас 21,000 долларын хооронд арилжаалагдаж байв.
Оанда брокерын ахлах зах зээлийн шинжээч Эдвард Моя өнөөгийн байдлын талаар хэлэхдээ "Биткойн 24,700 долларын түвшингээс дээш алхам хийхэд сайн мэдээ гарах хэрэгтэй байна" гэжээ.
АНУ-ын Төлөөлөгчдийн танхимын дарга Нэнси Пелоси мягмар гарагт Тайваньд хийсэн айлчлалын дараа зах зээл ерөнхийдөө сэргэсэн бололтой, үүнээс өмнө АНУ-Хятадын болзошгүй хурцадмал байдал нь олон хөрөнгө оруулагчдыг эрсдэлтэй хөрөнгөөс хол байлгахад хүргэсэн.
Ethereum (ETH) бага зэрэг сэргэж 1,644.62 доллараар
арилжаалагдаж байв.
