Энэтхэгийн
хамгийн том крипто луйвар ил болсноос дөрвөн жилийн дараа
ч уг хэргийн талаар шинэ мэдээлэл цацсаар
байна.
Өмнө
нь цагдаа нар GainBitcoin луйврыг 80,000 орчим BTC-тэй холбоотой гэж тооцоолж
байсан бол одоо энэ тоо 385,000-аас 600,000 болсон гэж хэвлэлүүд мэдээллээ. Одоогийн
уналттай ханшаар ч гэсэн 600,000 BTC нь 12 тэрбум гаруй доллар буюу нэг их наяд
INR дөхөж байна.
Мөн
хууран мэхэлсэн хүмүүсийн тоо 100,000 байж магадгүй гэсэн мэдээлэл байна. MLM
схемд мөнгөө алдсан хөрөнгө оруулагчдаас ирсэн цагдаагийн гомдол сарын
хугацаанд 40 болж нэмэгджээ. Одоогоор цагдаа нар
60,000 хэрэглэгчийн ID болон цахим шуудангийн хаягийг илрүүлээд байна.
Энэхүү
луйврын маркетингийн схем нь 18 сар биткойноо хадгалуулаад тус хөрөнгө
оруулалтаас сарын 10%-ийн өгөөжийг санал болгодог. Энэтхэг болон гадаадаас
хөрөнгө оруулагчид өөрсдийн биткойноо өндөр өгөөжтэй болгох зорилгоор
хадгалуулсан. Гэхдээ энэ нь анхнаасаа луйвар байсан бөгөөд эцэст нь 2018 онд баригдсан.
Удаан үргэлжилсэн мөрдөн байцаалтын явцад болон шүүх хуралдааны явцад Энэтхэгийн Дээд шүүх өмгөөлөгчөөс биткойныг Энэтхэгт хууль ёсных уу, үгүй юу гэдгийг тайлбарлахыг хүссэн удаатай. GainBitcoin луйврын эзэн Амит Бхардваж энэ оны нэгдүгээр сард зүрхний шигдээсээр нас баржээ.
