FTX дампуурлаа зарлав. Баасан гаригт бухимдсан хөрөнгө оруулагчид долоо хоногийн эхэн үеийн хамгаалалтын байр сууриндаа эргэн орсноор криптовалютын үнэ уналаа.
Bitcoin саяхан ойролцоогоор 16,700 доллараар арилжаалагдаж, бараг 7% -иар буурсан байна. Нэгэн цагт нэр хүндтэй байсан FTX бирж аврагч хайсны эцэст дампуурлаа зарласан тухай мэдээ цацагдсны дараа биткойн тэр дороо 16,000 доллар хүртлээ унав. Аль хэдийн цочирдсон криптовалютын салбар одоо ч тодорхойгүй хэвээр байна.
Оандагийн зах зээлийн ахлах шинжээч Крэйг Эрлам "FTX-ийн уналт энэ салбарыг тодорхойгүй болгож, маш том хохирол учрууллаа. Хэр их хор хөнөөлтэй байх нь ойрын өдрүүдэд ямар дэлгэрэнгүй мэдээлэл гарахаас шалтгаална, гэхдээ яг одоо үнэ дарамтанд байгаа бөгөөд цаашид огцом буурах эрсдэлтэй хэвээр байна" гэжээ.
ETH саяхан 1260 доллараар арилжаалагдаж, 4.5% -иас илүү унав. Зах зээлийн үнэлгээгээр бусад ихэнх томоохон криптовалютууд FTX-ийн хохирогч болж, улаан өнгөөр өдрийг өнгөрөөсөн. FTX-ийн FTT токен саяхан долоо хоногийн эхэн үетэй харьцуулахад 30 гаруй хувиар унажээ.
Пүрэв гарагаас эхлэн хөрөнгийн зах зээл, ялангуяа технологийн салбарын хувьцаанууд эрчимтэй өсөж байна. Nasdaq индекс 1.8%-иар өссөн бол S&P 500 индекс 0.9%-иар өсчээ.
Хувьцааны сүүлийн үеийн өсөлтийн талаар Оандагийн Эрлам хэлэхдээ "Хөрөнгө оруулагчдын сэтгэл санаа ойрын долоо хоногт дахин сэргэж магадгүй" гэдгийг онцлов.
