Криптовалютын баавгайн зах зээл эрчимтэй үргэлжилж байгаа энэ үед Ethereum-ийн үүсгэн байгуулагч Виталик Бутерин крипто коммунитид хандан ханшинд биш технологи, хэрэглээний системд анхаарлаа хандуулах хэрэгтэй гэжээ.
Түүний хэлж байгаагаар технологийн салбарт байх нь санхүүгийн ашиг олохоос илүү ашигтай гэв.
Крипто ханшийн өсөлт нь бухын зах зээлд олны анхаарлыг татаж, шунахайрал, хэт хөөрөгдлийг бий болгодог. Харин үнэ унамагц дамын наймаачид зах зээлийг орхих хандлагатай байдаг бөгөөд хүнд хэцүү үед ихэвчлэн чин сэтгэлтэй хүмүүс, ходлерууд л үлддэг.
Тийм ч учраас баавгайн зах зээлийн
үед олон сонирхолтой төслүүд ихэвчлэн гарч ирдэг тул зарим түвшний удирдагчид
үнэ буурч байгааг сайшааж байна. Бутерины тайлбарласнаар тогтворгүй крипто
төслүүд баавгайн зах зээлийн үед уналтанд орох хандлагатай байдаг бөгөөд тоо
хэмжээнээс илүү чанар нь үлддэг гэдгийг онцлов.
Хэдийгээр өндөр үнэ нь олон хүнийг баярлуулдаг ч энэ нь шаардлагагүй олон хүний анхаарлыг татдаг гэж Бутерин хэлэв.
Үүнээс гадна энэ он гарсаар криптовалютын зах зээл ноцтой уналтад орж, биткойны үнэ болон томоохон алткойнуудын үнэ 70 гаруй хувиар унасан. FTX биржийн сүйрлээс хойш энэ салбар уналтад орсон хэвээр байгаа бөгөөд энэ нь бүрэн мөстлөгийн үеийг эхлүүлнэ гэж зарим үл итгэгчид үзэж байна.
