Арванхоёрдугаар сарын 13-нд АНУ-ын Хөдөлмөрийн статистикийн товчоо тус улсын инфляцийн түвшинг хэмжихэд ашигладаг Хэрэглээний үнийн индексийн тоог нийтэлжээ. Уг үзүүлэлт 11-р сард 7.1% гарч, хүлээгдэж буй 7.3%-иас доогуур байв. Мэдээжийн хэрэг, энэ нь зах зээлийн өсөлтөд хүргэсэн бөгөөд удалгүй BTC-ийн үнэ 18,000 гаруй доллар болж өссөн.
Гэвч өчигдөр болсон FOMC-ийн хурлын үеэр ХНС-ын дарга Жером Пауэлл бодлогын хүүгээ дахин 50 суурь нэгжээр өсгөснөө зарласан нь үнэд яг эсрэгээр нөлөөлөв.
Дээрх графикаас харахад BTC-ийн үнэ ойролцоогоор 18,387 ам.долларт (Binance дээр) өдрийн дээд хэмжээнд хүрсэн ч өсөлтөө хадгалж чадаагүй бөгөөд одоогоор ойролцоогоор 17,600 доллараар арилжаалагдаж байна.
Зах зээл бүхэлдээ улаанаар
будагдсан ба алткойнуудын хувьд биткойноос ч дор байдалтай байна. BTC-ийн давамгайлал нь
үүнийг гэрчилж байна. Энэ нь сүүлийн 24 цагийн дотор 0.4%-иар өссөн нь бусад
зах зээлийнхтэй харьцуулахад BTC-ийн эзлэх хувь нэмэгдэж байгааг харуулав.
Альткоинууд BTC-тэй харьцуулахад илүү их алдагдал хүлээсэн нь тодорхой байна. ETH 2.5%-иар буурч, BNB 3%-иас дээш уналттай байгаа ба DOGE болон LTC ч мөн адил буурав. TON сүүлийн хэдэн өдрийн ашгаа алдаж, одоогоор 8.5%-иар буурсан байна. Энэ нь мөн түүнийг зах зээлийн үнэлгээгээр шилдэг 100 зоосноос хамгийн муу үзүүлэлт болгов. Гэсэн хэдий ч сүүлийн 7 хоногт бараг 30%-иар өссөн хэвээр байгааг тэмдэглэх нь зүйтэй.
Нөгөөтэйгүүр, XDC 7%, IMX 4.7% -ийн өсөлтийг харуулж, урагшилж чадсан.
Энэхүү сүүлийн уналтаар криптовалютын зах зээлийн нийт үнэлгээ 900 сая доллараас доошилжээ.
