АНУ-ын хамгийн том крипто бирж болох Coinbase нь хэрэглэгчдэд буруугаар илгээсэн 4000 гаруй ERC-20 токеныг сэргээх боломжийг олгох, хөрөнгийг сэргээх төслийг эхлүүлжээ.
Бага хэмжээний хураамжийн хариуд бирж дэмжигдээгүй хөрөнгийг хэрэглэгчийн хаяг руу буцааж илгээнэ.
Пүрэв гарагт Coinbase-ийн нийтлэлд дурдсанаар, уг төсөлд зөвхөн Ethereum гүйлгээний ID шаардлагатай бөгөөд энэ нь буруу Coinbase хаяг руу илгээсэн зоосыг сэргээхэд туслах аж. Энэ нь хэрэглэгчийн хувийн түлхүүрүүдийг ямар ч үед ил гаргахгүй.
Зөвхөн сонгогдсон ERC-20 токенуудыг сэргээх боломжтой бөгөөд тэдгээрийн заримд нь wETH, TUSD, STETH орно. Эрх бүхий хөрөнгө бүр нь Coinbase-ийн жагсаалтыг шалгах процессыг давах шаардлагатай.
Coinbase-ийн мэдээлснээр, энэ нь үйлчлүүлэгчдийнхээ хадгаламжийн хаягийн аюулгүй байдлыг хангахын зэрэгцээ ERC-20 токен сэргээх боломжийг олгодог анхны томоохон бирж болжээ. Binance нь ижил үйлчилгээг санал болгодоггүй ч санамсаргүй шилжүүлгийн улмаас "их хэмжээний мөнгө" алдсан тохиолдолд үйлчлүүлэгчдэд тусалж чадна гэж вэбсайтдаа бичсэн байна.
"Бид алдаа эндэгдлийг багасгаж, үйлчлүүлэгчдийнхээ итгэлийг олж, илүү сайн үйлчлэхийн тулд чадвараа сайжруулахад анхаарч байна" гэж Coinbase нэмж хэлэв.
Гэхдээ энэхүү үйлчилгээ нь Японд болон Coinbase Prime-д байхгүй хэвээр байна.
