Сүүлийн таван жилийн хугацаанд Хойд Солонгосын кибер гэмт хэрэгтнүүд 1.5 их наяд вон (ойролцоогоор 1.2 тэрбум доллар) хэмжээний крипто мөнгө хулгайлсан гэж Associated Press агентлаг мэдээллээ.
Зөвхөн энэ онд Хойд Солонгосын хакерууд 800 тэрбум вон (625 сая доллар) хулгайлж чадсан нь нийт дүнгийн бараг тал хувь юм. Дээр дурдсан хугацаанд Өмнөд Солонгосын аж ахуйн нэгжүүдээс 100 тэрбум буюу 78 сая доллар хулгайлсан гэсэн тооцоо гарчээ.
БНАСАУ-ыг эмзэг эдийн засаг, цөмийн хөтөлбөртөө нэн шаардлагатай санхүүжилтийн эх үүсвэрийг олж авахын тулд кибер гэмт хэрэг үйлдэж байна гэж үзэж байна.
Тус улс НҮБ-ын хатуу хориг арга хэмжээ, тахал өвчинтэй холбоотой хүндрэлээс болж хоёр дахин их хохирол амссан.
Дөрөвдүгээр сард АНУ-ын засгийн газар Хойд Солонгосын хакеруудыг Axie Infinity блокчейнаас 620 сая долларын үнэ бүхий криптовалют хулгайлсан хэрэгт холбосон бөгөөд энэ нь урьд өмнө бүртгэгдсэн хамгийн том крипто хулгайн гэмт хэргийн нэг гэж тооцогддог.
