Баавгайн зах зээл болон крипто салбарын дампуурлын давалгаа сүүлийн есөн сарын хугацаанд үүсгэн байгуулагчид болон хөрөнгө оруулагчдын халааснаас 116 тэрбум ам.долларыг устгасан гэж Forbes сэтгүүлийн сүүлийн үеийн тооцоогоор дүгнэжээ.
Алдагдал нь уг орон зай дахь 17 хүний хувийн өмчийн нийлбэрийг илэрхийлж байгаа бөгөөд 15 гаруй нь гуравдугаар сараас хойш хөрөнгийнхөө талаас илүү хувийг алдсан байна. Үүний үр дүнд крипто тэрбумтнуудын жагсаалтаас 10 хүний нэрийг хасчээ.
Томоохон алдагдлын нэг нь Binance-ийн гүйцэтгэх захирал Чанпэн "CZ" Жао юм. Гуравдугаар сард түүний крипто бирж дэх 70%-ийн хувьцаа 65 тэрбум доллараар үнэлэгдэж байсан бол одоо 4.5 тэрбум ам.долларын үнэтэй болжээ.
Coinbase-ийн гүйцэтгэх захирал Брайан Армстронгийн хөрөнгө 3-р сард 6 тэрбум доллар байсан бол 1.5 тэрбум ам.доллар болов. Ripple-ийн үүсгэн байгуулагч Крис Ларсений хөрөнгө 4.3 тэрбум доллараас 2.1 тэрбум доллар болж буурсан бол Gemini-ийн Кэмерон, Тайлер Винклвосс нар 3-р сард 4 тэрбум доллараар үнэлэгдэж байсан ч одоо тус бүр 1.1 тэрбум долларын хөрөнгөтэй болжээ.
Тэрбумтан статусаа алдсан хүмүүсийн дунд FTX-ийн үүсгэн байгуулагчид болох Сэм Банкман-Фрид, Гари Ванг нар байгаа бөгөөд тэдний хөрөнгө 3-р сард тус бүр 24 тэрбум доллар ба 5.9 тэрбум доллараар үнэлэгдсэн бол 12-р сард 0 доллараар үнэлэгдсэн байна. Дижитал валют группын үүсгэн байгуулагч, гүйцэтгэх захирал Барри Силбертийн 3.2 тэрбум долларын хөрөнгө FTX-ийн дампуурлын улмаас үүссэн халдварын улмаас алга болсон гэж Форбс мэдээлэв.
Хуучин тэрбумтнуудын дунд крипто програм хангамжийн Alchemy компанийн Никель Вишванатан, Жозеф Лэй, OpenSea-ийн Девин Финзер, Алекс Аталла, Coinbase-ийн Фред Эрсам, Microstrategy-ийг үндэслэгч Майкл Сэйлор, венчур капиталист Тим Дрэйпер нар багтжээ.
FTX хямрал нь хөрөнгө оруулагчдын
итгэлийг бууруулж, салбар даяар хөрвөх чадварын хямралыг бий болгосон тул
криптовалютын баавгайн зах зээл удахгүй дуусах магадлал багатай гэж шинжээчид үзэж байна. Үүний үр дүнд
зах зээлийн уналт 2023 оныг дуустал үргэлжлэх төлөвтэй байна гэжээ.
