АНУ-ын Үнэт цаас, биржийн хорооноос (SEC) Нейл Чандран болон өөр долоон хувь хүн, аж ахуйн нэгжийг CoinDeal нэртэй криптовалют хөрөнгө оруулалтын залилан зохион байгуулсан гэж буруутгажээ.
Тодруулбал SEC нь Neil Chandran, Michael Glaspie, Garry Davidson, Linda Knott, Amy Mossel, AEO Publishing Inc, Banner Co-Op, Inc, BannersGo, LLC-ийг өөрсдийн залилангийн CoinDeal байгууллагаар дамжуулан хэрэглэгчдээс 45 сая доллар завшсан гэж буруутгасан.
Эдгээр хүмүүс блокчэйнд суурилсан төслийг нэр хүндтэй худалдан авагчдын бүлэгт зарахаа амласан бөгөөд энэ нь хөрөнгө оруулагчдад 500,000 дахин их хөрөнгө оруулалтын өгөөж өгнө гэж амлажээ.
Тэд 2019-2022 оны 1-р сарын хооронд төлөвлөгөөгөө хэрэгжүүлсэн. CoinDeal-ийн борлуулалт хэзээ ч болоогүй бөгөөд хөрөнгө оруулагчид төсөлд оролцсоныхоо төлөө ямар ч хуваарилалт аваагүй. SEC-ийн Чикаго дахь бүсийн газрын захирал Дэниел Грегус цааш нь хэлэхдээ Чандран, Гласпи, Дэвидсон, Нотт, Моссел нар цуглуулсан 45 сая доллараараа машин, үл хөдлөх хөрөнгө, завь худалдаж авахад ашигласан гэж мэдэгджээ.
АНУ-ын Хууль зүйн яам өмнө нь Чандраныг CoinDeal-ийн нэг хэсэг байхдаа залилан мэхэлсэн, хууль бус мөнгөний гүйлгээ хийсэн хэргээр баривчилж байсан.
Тус газраас одоо эдгээр гэмт хэрэгтнүүдэд ял шийтгэл болон байнгын хориг тавихаар хэлэлцэж байна.
