2022 онд дижитал хөрөнгийн салбарт тохиолдсон зах зээлийн томоохон уналт нь хөрөнгө оруулагчдын сонирхлыг гадагшлуулж, зарим компаниудын өргөтгөлийн төлөвлөгөөг зогсоожээ. CoinGecko-гийн судалгаагаар өнгөрсөн жил ийм пүүсүүд 21.26 тэрбум долларын хөрөнгө босгосон бөгөөд бараг тал нь энэ салбар илүү сайн байсан 1-р улиралд баталгаажсан байна.
Террагийн сүйрэл, Three Arrows Capital (3AC) болон Celsius Network-ийн дампуурал зэрэг криптовалютын төслүүд оны дунд үе гэхэд олноороо дампуурсан нь хөрөнгө оруулагчдын сэтгэл зүйд нөлөөлсөн бөгөөд 3-р улиралд босгосон хөрөнгө нь ердөө 3.61 тэрбум доллар болжээ.
2022 оны сүүлийн гурван сарын
хугацаанд крипто санхүүжилт
босгогчид 3 тэрбум доллараас бага хөрөнгийг босгосон нь 11-р сард FTX-ийн сүйрлээс хамааралтай.
Харьцуулбал криптовалютын аж ахуйн нэгжүүд 2021 онд 37 тэрбум гаруй долларын хөрөнгө босгожээ. Тухайн үед бухын зах зээлтэй байсан бөгөөд тэр дундаа биткойн бүх цаг үеийн хамгийн өндөр үнээр үнэлэгдэж байсан нь хөрөнгө оруулалтыг идэвхжүүлсэн бололтой.
2022 онд хөрөнгө оруулалт буурсан хэдий ч өнгөрсөн жил 2018 он (16.22 тэрбум ам. доллар цуглуулсан), 2019 он (4.48 тэрбум ам.доллар), 2020 он (4.40 тэрбум ам. доллар) онуудаас илүү амжилттай ажилласан.
