Тайландын Төв банк анх удаа тус улсад виртуал банкуудыг ажиллуулахыг зөвшөөрөх төлөвлөгөөгөө ил болгов. Тэд 2025 он гэхэд үйлчилгээ үзүүлэх боломжтой болно гэж Bloomberg тайланд дурджээ.
Төв банкнаас нийтэлсэн "Виртуал банкны лицензийн хүрээний талаарх зөвлөлдөх баримт бичиг"-т 2023 онд виртуал банкуудад санхүүгийн үйлчилгээ үзүүлэх боломжийг олгох програмуудыг ашиглах боломжтой болно гэжээ. Энэхүү алхам нь өрсөлдөөнийг нэмэгдүүлэх, Тайландын эдийн засгийн өсөлтийг нэмэгдүүлэхэд чиглэгдэнэ.
Тайландын банк 2024 он гэхэд сонирхогч компаниудад гурван өөр лиценз олгоно. Зөвшөөрөл авах сонирхолтой 10-аас доошгүй тал байгаа гэж тайланд дурджээ.
Виртуал банкуудын зохицуулалт, хяналт нь тусгай зөвшөөрлийн хүрээнд уламжлалт арилжааны банкуудын зохицуулалттай адил байх аж Түүнчлэн, өргөдөл гаргагч нь тодорхой шаардлагыг хангасан байх ёстой. Үүний нэг жишээ бол “Виртуал банкууд хариуцлагагүй зээл олгох, холбогдох этгээдэд давуу эрх олгох, санхүүгийн тогтвортой байдал, хадгаламж эзэмшигчид, нийт хэрэглэгчдэд эрсдэл учруулах зах зээлийн давамгай байдлаа урвуулан ашиглах ёсгүй” гэв
Төв банкны мэдээлснээр виртуал
банкууд үйл ажиллагааныхаа эхний жилүүдэд "хязгаарлагдмал үе шатанд"
байх бөгөөд санхүүгийн системийн эрсдэлээс урьдчилан сэргийлэхийн тулд
нарийн хяналт шалгалт орно.
Үүнээс гадна Тайландын Үнэт цаас, биржийн хороо саяхан хөрөнгө оруулагчдын хамгаалалтыг өргөжүүлэх зорилгоор криптогийн дүрмийг чангатгахаар төлөвлөж байгаагаа зарласан. Мөн эрх баригчид крипто зар сурталчилгаанд зориулсан хатуу удирдамжийг боловсруулж байна.
