Майами хотын дарга Фрэнсис Суарес дэлхийн хамгийн том криптовалютын бирж дампуурсны дараа тус салбарт итгэх итгэлээ алдаагүй гэдгээ баасан гарагт CNBC-д өгсөн ярилцлагын үеэрээ ил болголоо.
Түүнчлэн Суаресаас FTX-ийн сүйрлийг бий болгож, эцэст нь сүйрэхэд зохицуулагчид буруутай гэж үзэж байгаа эсэхийг асуув.
Харин Суарес тодорхой буруутанг хайхгүй байхыг сонгож "Хүмүүс мөнгөө алдаж, бүх зүйл тэдний санаснаар болохгүй бол хэн нэгнийг буруутгахыг хүсдэг. Бид хүмүүс хөрөнгөө эрсдэлд оруулдаг капиталист улсад амьдарч байна. Заримдаа энэ нь тэдэнд тусалдаг, заримдаа тийм биш юм" гэжээ.
Түүнчлэн биткойны чөлөөт зах зээлийн зарчмыг дэлхий даяар түгээх боломжтой гэдэгт итгэдэг талаараа Суарес дурьдав.
Суарез мөн биткойн нь fiat валютын системээс давуу талтай гэдгийг онцолсон. Үүнд блокчэйны "үр ашигтай гүйлгээ" үүсгэх чадвар, хил дамнасан мөнгөн гуйвуулгад туслах зэрэг багтана гэжээ.
Сүүлийн үед крипто болон FTX-ийн эргэн тойрон дахь үймээн самууны талаар Суарез хэлэхдээ "Үүнийг ихэнх нь хэвлэл мэдээллийн хэрэгсэл удирддаг" гэв.
Эцэст нь тэрээр “Магадгүй 6 сарын дараа биткойн 30,000 эсвэл 40,000 болж магадгүй. Харин тэр үед та нар намайг ‘Ноён Хотын дарга аа, та үнэхээр ухаантай' гэж хэлэх үү” хэмээн хошигносон байна.
