Чилизийн сүлжээ болон Socios нь хөгжөөн дэмжигчдийн оролцоог нэмэгдүүлэх чиглэлээр томоохон алхам хийж, дээд лигийн Тоттенхэм Хотспур клубтэй хамтран SPURS Fan Token-ийг гаргалаа.
Чилиз компанийн гүйцэтгэх захирал Александр Дрейфусийн хэлснээр, саяхан нээлтээ хийсэн токен нь Тоттенхэмийг дэлхийн спортын дижитал экосистемд оруулсан Премьер лигийн долоо дахь клуб болж байна.
Олон тооны шинэ боломжоор баяжуулсан SPURS Fan Token нь Тоттенхэмийн дижитал шинэ хөтөлбөртэй цуг дагалдаж ирнэ.
Фэн токеныг гаргаснаар Тоттенхэмийн дижитал хөгжөөн дэмжигчдийн оролцоонд мэдэгдэхүйц өөрчлөлт гарч байгааг онцолжээ.
Арилжааны борлуулалтын захирал, Тоттенхэм Хотспурын захирал Райан Норис хэлэхдээ:
“Бид дэлхий даяарх хөгжөөн дэмжигчиддээ клубтэй холбоотой шинэ шагнал,
туршлагыг санал болгож байгаадаа баяртай байна. Манай фен токен нь одоо байгаа
гишүүнчлэлийн тогтолцооны олон давуу талыг нэмэгдүүлэх болно. Энэхүү хамтын
ажиллагаа нь орлогын нэмэлт урсгалыг бий болгохоор ажиллаж байгааг бид харж байна" гэжээ.
Мэдэгдэлд дурдсанаар, 10-р сарын 4-ний лхагва гарагаас эхлэн 18 ба түүнээс дээш насны бүх улирлын тасалбар эзэмшигчид үнэ төлбөргүйгээр Спөрсийн хөгжөөн дэмжигч токеныг авах болно. Эдгээр зоосыг ашиглан хөгжөөн дэмжигчид оноо, шагнал цуглуулдаг Socios.com дээрх клубын санал асуулга, таамаглагч, таавар, тэмцээнүүдэд хандах боломжийг олгоно.
