Манхэттэний холбооны прокуроруудын мэдээлснээр, АНУ-ын хуулийн фирмийн "Locke Lord"-ын хамтрагч байсан Марк Скотт 400 сая долларын криптовалютыг залилан мэхлэх үйл ажиллагаанд оролцсон хэргээр 10 жилийн хорих ял авчээ.
Шийтгэх ажиллагаа пүрэв гарагт болсон бөгөөд Скотт нь OneCoin криптовалютын луйврын хэрэгт оролцсонтой нь холбогдуулан 2019 оны арваннэгдүгээр сард мөнгө угаах, банкны луйвар хийх зорилгоор хуйвалдаан үйлдсэн гэм буруутайд тооцогдсон.
Хэргийг даргалж буй АНУ-ын дүүргийн шүүгч Эдгардо Рамос мөн Скоттоос 392,940,000 ам.долларыг банкны данс, дарвуулт онгоц, хоёр Porsche автомашин, дөрвөн үл хөдлөх хөрөнгө зэрэг янз бүрийн эд хөрөнгийг хураан авах шийдвэр гаргажээ.
Манхэттэний АНУ-ын өмгөөлөгч Дэмиан Уильямс мэдэгдэлдээ өдгөө 55 настай, Флоридагийн Корал Гэйблст оршин суудаг Скотт залилан мэхлэх замаар санхүүгийн амжилтанд хүрч, 50 насандаа 50 сая долларын ашиг олсныг онцолсон байна.
Уильямс "Скотт зорилгодоо хүрсэн ч залилан, хууран мэхлэлт хийсэн ялаа хүлээж одоо арван жилийг шоронд өнгөрүүлэх бөгөөд хууль бусаар олсон бүх орлогоо хураахыг даалгасан" гэж мэдэгджээ.
Прокурорууд Скоттын оролцоо нь 2015 онд OneCoin-ийг үүсгэн байгуулагч, “Крипто хатан” гэгддэг Ружа Игнатоватай танилцсанаар эхэлсэн гэж тодорхойлсон. Үүний дараа тэрээр 2016 онд олон сая долларын залилангийн орлого угаахын тулд хуурамч хөрөнгө оруулалтын сан байгуулахад гол үүрэг гүйцэтгэсэн.
Скотт уг луйварт оролцсоныхоо төлөө 50 гаруй сая доллар авсан бөгөөд тэр мөнгөөр тансаг машин, дарвуулт онгоц, далайн эргийн хэд хэдэн байшин худалдаж авсан байна.
