Испанийн Аликанте мужийн 82,000 хүн амтай аялал жуулчлалын төв Торревиежа хот дэлгүүрүүддээ криптовалют хүлээн авахыг зөвшөөрснөөр “Европ дахь анхны криптод ээлтэй хот” болох хүсэл эрмэлзэлтэй байгаагаа зарлав.
Торревижаг Европ дахь криптод ээлтэй хот болгон өөрчлөхийн тулд орон нутгийн засаг захиргаа болон бизнес эрхлэгчид блокчейн технологийг ашиглан орон нутгийн худалдааг дижитал хэлбэрт шилжүүлэх болно гэж захирагч зарлав.
Эхний үе шат нь гүйлгээнд криптовалют ашиглах замаар "худалдааг дэмжихэд анхаарлаа төвлөрүүлж", үйлчлүүлэгчдэд криптовалют болон "бусад крипто хөрөнгө"-ээр бүтээгдэхүүн, үйлчилгээний төлбөр төлөх боломжийг олгох аж.
Орон нутгийн худалдааны зөвлөх Розарио Мартинез Чазарра энэхүү арга хэмжээ нь крипто эзэмшигчдийг урамшуулна гэдэгт найдаж байгаагаа илэрхийлэв. Тэрээр мөн Аликантегийн их сургууль орон нутгийн бизнес эрхлэгчдэд зориулсан дижитал төлбөрийн тусгай курсуудыг эхлүүлэх болно гэж мэдэгджээ.
