Алдартай крипто шүүмжлэгч Питер Шифф эцэст нь BTC худалдаж аваагүйдээ харамсаж байгаагаа хүлээн зөвшөөрлөө.
Шифф мягмар гарагт хэвлэгдсэн ярилцлагадаа, хэрэв цаг хугацааг буцааж чадвал дижитал валютыг эрт худалдаж авах байсан эсэхийг асуухад тэрээр “Мэдээж би тэнэг биш” гэж хариулжээ.
2010 онд Bitcoin-д 50,000 доллар хүртэл хөрөнгө оруулалт хийх бодолтой байсан гэсэн ба тэр үед хөрөнгө нэг доллараас бага үнээр арилжаалагдаж байсан гэв. Эцэст нь тэр худалдаж авахаа больж, энэ санааг "инээдтэй" гэж бодоод татгалзжээ.
Шифф Том Билью, Рауль Пал нартай ярилцахдаа "Тийм ээ, би үүнийг худалдаж авахыг хүсч байна" гэдгээ тодорхой хэлээд "Гэхдээ би үүнийг худалдаж авсан байсан ч бусад хүмүүст үүнийг худалдаж аваарай гэж хэлэхгүй байсан. Би үүнд хэзээ ч итгэж байгаагүй учраас чимээгүй байх байсан" гэжээ.
Шифф олон жилийн турш биткойныг "тэнэг" гэж нэрлэж, уг хөрөнгийг үнэт металл эсвэл инфляцийн эрсдэлээс хамгаалах хэрэгсэл болгон харьцуулах боломжгүй гэж дахин дахин хэлж байсан гэдгийг дурьдах нь зүйтэй.
