Улирлын тайлангаа хамгийн сүүлд зарласан криптовалют
олборлогч компани бол Marathon Digital Holdings юм. Тус компани 2022 оны 2-р улиралд 707
BTC олборлосон нь 2021 оны 2-р улиралд олборлосон 654 BTC-тэй харьцуулахад
мэдэгдэхүйц өсөлт болжээ.
Компанийн тооцоолсноор, хэрэв энэ хугацаанд тодорхой сөрөг хүчин
зүйлүүд гараагүй бол үйлдвэрлэлийн түвшин бүр ч өндөр байх байсан. Жишээлбэл, тус компани Техас мужид байрладаг цахилгаан станцуудын
засвар үйлчилгээний асуудал, Монтана дахь байгууламжуудад нөлөөлсөн хүчтэй
шуурга зэрэг асуудлыг даван туулах шаардлагатай болсон.
Тодруулбал хойд мужид хүнд цаг агаарын
нөхцөл байдал тулгарсан бөгөөд Марафоны бүс нутагт байрлуулсан бүх 30,000 олборлогчдын үйл
ажиллагааг саатуулсан. Түүнээс гадна уг хэсэг компанийн нийт идэвхтэй
флотын 75 хувийг эзэлдэг. Долдугаар сард хохирлыг хэсэгчлэн барагдуулахаар төлөвлөж, үйл
ажиллагааг хэвийн болгохоор ажиллаж байна.
Үүнээс гадна сүүлийн 707 BTC-ийг нэмбэл тус
байгууллага 10,055 BTC-ийг эзэмшдэг бөгөөд энэ нь одоогийн үнээр ойролцоогоор
213 сая доллартай тэнцэж байна. Үүний 1,966 BTC-ийг 2022 оны эхний зургаан
сарын хугацаанд олборлосон аж.
Бусад өрсөлдөгчдөөс ялгаатай нь Марафон энэ оны 2-р улиралд өөрийн эзэмшлийн нэг ч хэсгийг зараагүй. Хамгийн сүүлд 2020 оны 10-р сард өөрийн BTC-ийн зарим хэсгийг зарсан.
Түүнчлэн компанийн хувьцаа энэ мэдээг эерэгээр хүлээж авсныг тэмдэглэх нь зүйтэй. Энэ мэдэгдлээс өмнө нэг хувьцаа ойролцоогоор 6 долларын үнэтэй байсан бол одоогийн байдлаар ойролцоогоор 7 долларын ханштай болов.
