Эдийн засаг, улс төрийн хямрал ид
өрнөж байгаа Шри Ланкийн Төв банк буюу CBSL нь зохицуулалтын хяналт байхгүйн
улмаас олон нийтэд крипто худалдан авахгүй байх талаар сэрэмжлүүлэв.
Мягмар гарагийн мэдэгдэлдээ CBSL нь Шри Ланкад криптотой
холбоотой үйлчилгээ, тухайлбал бирж, койны IEO, олборлолтын зөвшөөрөл, лиценз
олгоогүй гэж мэдэгджээ. Мөн хямралтай байгаа учраас иргэд олноороо крипто болон стаблькойн худалдаж авахгүй байх талаар зөвлөмж хүргэв. Төв банкны зүгээс ийнхүү анхааруулга гаргаж байгаа нь "Виртуал валютын хэрэглээтэй холбоотой
сүүлийн үеийн үйл явдлууд"-тай холбоотой гэв. Үүнд тус улсын
хямрал, крипто зах
зээлийн уналт, Bitcoin (BTC) зэрэг криптовалютуудын үнийн ихээхэн хэлбэлзэлтэй
холбоотой байж магадгүй юм.
Төв банкны уг мэдэгдэл нь Шри Ланкад инфляци 54%-иас давсан энэ
үед гарсан. Төв банкны мэдээллээс үзэхэд инфляци өнөөдөр ойролцоогоор 45% байгаа нь Шри
Ланкад амьдардаг 22 сая хүний амьжиргааны өртөгт маш хүчтэй нөлөөлж байна.
Бямба гарагт олон зуун эсэргүүцэгчид
Шри Ланкийн Ерөнхийлөгч Готабая Ражапаксагийн Коломбо дахь өргөө рүү дайран
орж, нийт 17.8 сая рупи буюу ойролцоогоор 50,000 долларыг хураан авч, барилгыг
хяналтандаа авсан. Шри-Ланкийн олон мянган иргэн мөн Засгийн газраас эдийн засгийн нөхцөл
байдалд хариу арга хэмжээ муу авч байгааг эсэргүүцэн нийслэлийн гудамжинд жагсчээ.
Парламентын дарга Махинда Япа Абейвардена Ражапакса лхагва гарагт огцрох болно
гэж мэдэгдэв.
Түүнчлэн Шри Ланкийн сошиал сүлжээний зарим хэрэглэгчид тус улсын өндөр инфляци, дампуурлаас хамгаалах зорилгоор USD Coin (USDC) гэх мэт тогтвортой зооснуудыг худалдаж авна гэж мэдэгджээ.
