Glassnode-ийн өгсөн мэдээллээс харахад урт хугацааны эзэмшигчид одоогоор бараг 14.5 сая биткойн эзэмшдэг. Баавгайн зах зээл удаан үргэлжилсэн ч сүүлийн нэг жил хагасын хугацаанд тэд аажмаар хуримтлал үүсгэж байна.
Glassnode-ийн тоо баримтаас үзэхэд уг хөрөнгийг урт хугацаанд эзэмших хүсэлтэй биткойн хөрөнгө оруулагчид 2023 оны 4-р сараас 7-р сарын эхээр ихээхэн хэмжээний худалдан авалт хийсэн байна.
Урт хугацааны эзэмшигчид мөн 2022 оны 9-р сараас эхлэн биткойн сонирхож эхэлсэн. Түүгээр ч барахгүй, тэдний хуримтлуулах үйл явц 11-р сард болсон FTX-ийн задралын үеэр ч үргэлжилжээ.
Түүнчлэн 1-ээс бага BTC ("сам хорхой" гэж тодорхойлсон) болон 10-аас ихгүй BTC ("хавч") эзэмшдэг хүмүүс гэх мэт зах зээлийн бусад оролцогчид их хэмжээний биткойн худалдаж авалт хийж байна.
Ерөнхийдөө урт хугацааны эзэмшигчид сүүлийн 602 хоногийн хугацаанд нийт 1.01 сая BTC цуглуулсан бөгөөд одоо 14.47 сая BTC (эргэлдэж буй нийлүүлэлтийн 75 орчим хувь) эзэмшиж байна. Энэ үзүүлэлт нь бүх цаг үеийн дээд үзүүлэлтээс ердөө 20K BTC-ээр бага байгаа аж.
Урт хугацааны эзэмшигчид 2021 оны бухын улирлын үеэр илүү түрэмгий байсныг дурдах нь зүйтэй. Тэд 2021 оны 4-р сараас 11-р сарын хооронд 2.4 сая гаруй BTC хуримтлуулсан бөгөөд энэ үед биткойны ам.долларын үнэлгээ одоогийнхоос хамаагүй өндөр буюу бараг 70,000 долларт хүрч байсан юм.
