Биткойн болон бусад томоохон криптовалютууд ням гарагийн оройн өсөлтөө үргэлжлүүлж, мягмар гарагийн арилжаагаар 22,800 ам.доллар давлаа.
Зах зээлийн үнэлгээгээр хамгийн том криптовалют саяхан 22,896 ам.доллараар арилжаалагдаж байсан нь сүүлийн 24 цагийн дотор 9%-иар өссөн үзүүлэлт юм. Celsius Network крипто арилжааны платформ зарлага гаргахаа зогсоож, Coinbase болон хэд хэдэн дижитал хөрөнгийн компаниуд ажлын байраа цомхотгож байна гэж мэдэгдсэн 6-р сарын дунд үеэс хойш биткойны үнэ 19,000 доллар орчимд гацсан.
Зах зээлийн үнэлгээгээр хоёр дахь
том крипто болох Ether нь өмнөх өдрийнхөөсөө 19%-иар дээшилж, 1600 доллараар
арилжаалагдаж, бүр ч сайн байлаа. Бусад томоохон алткойнууд ногоон өнгөтэй
байсан ба ETC 13%, SAND 10%-иар
өсөв.
Хэдий тийм ч олон сар үргэлжилсэн инфляцийн өсөлт, төв банкны тодорхойгүй байдал, эдийн засгийн уналт ойртож буй нөхцөл байдлыг харгалзан зах зээлийн ажиглагчид хэт өөдрөг үзлээс болгоомжилж байна.
Арка хөрөнгийн удирдлагын фирмийн дэд захирал Хассан Бассири хэлэхдээ "Би ойрын хугацаанд буюу нэг, хоёр долоо хоног өсөх хандлагатай байна, гэхдээ үүний дараа та болгоомжтой байх хэрэгтэй, учир нь макро эдийн засгийн сөрөг нөлөөлөл байсаар байна" гэжээ.
Хөрөнгийн зах зээл эрт өссөн ч хөрөнгийн гол индексүүд өдөртөө бага
зэрэг улаанаар дуусч, технологид төвлөрсөн Nasdaq болон S&P 500 0.8%-иар
буурсан байна. iPhone болон компьютер үйлдвэрлэгч Apple компани мэдэгдэл гаргасны дараа энэ бууралт эхлэжээ.
"Одоо зах зээлд маш сонирхолтой цаг үе байна" гэж Бассири хэлэв. Тэрээр үргэлжлүүлэн "Apple-ийн мэдээ гарах үед крипто зах зээл тэр даруй багахан унасан тул уламжлалт зах зээлтэй хүчтэй уялдаа холбоотой хэвээр байгааг харуулав. Гэвч крипто нь богино хугацаанд салж эхэлж байна. Тиймээс юу болохыг яг таг хэлэхэд маш хэцүү байна" гэжээ.
