Биткойны ханш даваа гаригт ихээхэн сэргэж 24,000 долларыг багахан хугацаанд давсан ч удалгүй доошлов.
Зах зээлийн үнэлгээгээр хамгийн том криптовалют саяхан 23,700 ам.доллараар арилжаалагдаж байсан нь сүүлийн 24 цагийн дотор 2%-иар өссөн үзүүлэлт юм. Биткойны ханш огцом уналт үүсгэхгүйгээр сүүлийн дөрвөн өдрийн турш ногоон өнгөтэй байна.
ETH үүнтэй төстэй хэв маягийг дагаж, 1,800 доллараас дээш хоёр сарын дээд түвшинд хүрснийхээ дараа багахан унасан. Зах зээлийн үнэлгээгээр хоёр дахь том крипто нь өмнөх өдрийнхөөс 4%-иар өссөн байна. Бусад томоохон криптовалютууд өдрийн ихэнх цагийг ногоон өнгөтэй өнгөрөөж, GRT 16%-иас дээш, DOT 7%-иас дээш өссөн байна.
Түүнчлэн өнөөдөр хөрөнгийн гол индексүүд бараг жигд хаагджээ. Nasdaq 0.1%-иар буурч, Dow Jones Industrial Average (DJIA) 0.1%-иар өссөн байна.
Оанда компанийн зах зээлийн шинжээч Моя крипто ханшийн талаар өөдрөг сэтгэгдэл үлдээсэн хэвээр байна. Тэрээр "Борлуулалтын дарамт мэдэгдэхүйц буурч байгаа ба арилжаачид удалгүй биткойны ханшийг 25,000 долларын бүс рүү түлхэж магадгүй" гэжээ.
