8-р сарын 10-нд Нидерландын Гэмт хэрэгтэй тэмцэх газар (FIOD) Tornado Cash-ийн ахлах хөгжүүлэгч 29 настай залууг баривчилсан тухай зарлав.
Энэхүү платформ нь их хэмжээний
валют угаах болон
гэмт хэргийн үйл ажиллагаатай холбоотой хэд хэдэн хүмүүсийн хөрөнгийг нууцлахад
тусалсан тул АНУ-ын Засгийн газрын зүгээс хориг тавьсан.
Нидерландын Гэмт хэрэгтэй тэмцэх
газрын мэдээлснээр, сэжигтэн нь хууль бус санхүүгийн урсгалыг нуун дарагдуулах,
мөнгө угаахад дөхөм үзүүлсэн гэмт хэрэгт холбогдож байгаа гэв.
Tornado Cash нь мөнгө угаах үйл
ажиллагааг хөнгөвчилсөн
Эдгээр платформуудыг санхүүгийн гүйлгээнд
нэрээ нууцлах зорилгоор ашигладаг тул криптовалют холигч нь мөнгө угаах үйл
явцыг хөнгөвчлөх хандлагатай байдаг гэж FIOD тэмдэглэв.
“Tornado Cash бол криптовалютыг
холих үйлчилгээ юм. Уг үйлчилгээ
нь криптовалютын гарал үүсэл, очих газрыг нуух боломжийг олгодог. Холих
үйлчилгээний хэрэглэгчид ихэвчлэн нэрээ нууцлахын тулд үүнийг хийдэг" гэв.
Түүнчлэн энэ жил криптовалют холигчтой
холбоотой үйл ажиллагаа бүх цаг үеийн дээд хэмжээнд хүрсэн тул хууль сахиулах
байгууллагуудын санаа зовоосон асуудал болоод байна.
