Зардлаа нөхөх, сангаа өргөжүүлэх, өр төлбөрөө төлөхийн тулд зоосоо зарах шаардлагатай болсон крипто олборлогчдын хувьд хүнд жил байлаа. Гэвч энэ хандлага зарим олборлогчдын хувьд оны гуравдугаар улиралд хүртэл үргэлжлэх бололтой.
Биткойны үнэ 25,000 долларын түвшнээс дээш гарч чадаагүй ба үүнээс хойш буурах хандлагатай байна. Энэ нь биткойн олборлогчдод борлуулалтын дарамтыг нэмэгдүүлсэн. Гэсэн хэдий ч 8-р сарын эхээр богино хугацааны өсөлтийн үеэр тэд зооснуудаа зарж тодорхой хэмжээний ашиг олж чадсан.
Алдарт арилжаач Али Мартинезийн хуваалцсан Glassnode мэдээллийн дагуу сүүлийн хоёр долоо хоногт олборлогчид бараг 6,000 BTC-ийг заржээ. Борлуулалтын үеийн үнийн түвшингээс харахад зарагдсан биткойн нь 142 сая доллартай тэнцэж байна.
АНУ-ын хөрөнгийн зах зээл дээр арилжаалагдаж буй биткойн олборлогч топ гурван компани 2022 оны хоёрдугаар улиралд нэг тэрбум гаруй ам.долларын алдагдал хүлээжээ.
Core Scientific Inc., Marathon Digital Holdings Inc., Riot Blockchain Inc.-ийн улирлын орлогын тайланд 862 сая доллар, 192 сая доллар, 366 сая долларын алдагдалтай ажилласныг тусгасан байна.
