Bloomberg-ийн саяхан гаргасан нийтлэлд дурдсанаар хоёр дахь том дижитал валют Ethereum нь 1000 доллар хүртэл буурах эсвэл бүр доошоо орох магадлалтай байна гэжээ.
Bloomberg техникийн үзүүлэлтүүдийг
иш татсан бөгөөд ETH-ийн 8-р сарын дээд цэг болох 2000 долларын ханшаас
одоогийн 1500 долларын түвшин хүртэл буурсныг онцлов. Мөн ихээхэн хүлээгдэж буй Merge шинэчлэлтийг үл хамааран буурч магадгүй гэж дүгнэж байгаа аж.
Fairlead Strategies-ийг үүсгэн байгуулагч Кэти Стоктон Блүүмбергт ярилцлага өгөх үеэрээ уг зоос нь 50 хоногийн MA-ийн дэмжлэгээс доогуур болсон гэв. Тэрээр үргэлжлүүлэн “Одоо богино хугацаанд буурах эрсдэл өмнөхөөсөө илүү хүчтэй болсон. Энэ нь ойрын өдрүүдэд тохиолдож магадгүй” гэжээ.
Нэмж дурьдхад, Ethereum Merge шинэчлэлт нь ETH-ийн ханшийн өсөлтийн хурдасгуур болно гэж маш их хүлээлттэй байгаа. Энэхүү шинэчлэл нь Ethereum-ийг одоо ашиглагдаж байгаа Proof-of-Work-оос Proof-of-Stake протокол руу шилжүүлэх бөгөөд ингэснээр Ethereum нь эрчим хүч бага зарцуулдаг болох юм.
Гэсэн хэдий ч үйл явдал ойртож байгаа ч ханш өсөх биш харин улам доошилно гэдгийг Bloomberg твиттер хуудсаараа дамжуулан анхаарууллаа.
