Алдарт Anonymous хакерын бүлэг 5-р сард Terra (LUNA) болон TerraUSD (UST) экосистемүүд сүйрсэнтэй
холбогдуулан Terra-г үүсгэн байгуулагчдын нэг До Квоныг шүүж "аль болох хурдан шудрага ёс тогтоохоо" амлалаа.
Ням гарагт Anonymous хакерын
бүлгээс ирсэн гэх бичлэгт Квоны буруутай үйлдлийн жагсаалт, тэр дундаа Luna
болон TerraUSD-г дампуурахаас нь өмнө сар бүр 80 сая ам.доллар бэлнээр авсан,
түүнчлэн До Квон 2020 оны сүүлээр "Рик Санчес" хэмээх нууц нэрээр бүтээсэн гэгддэг Basis Cash тогтвортой
зоосны уналтад гүйцэтгэсэн үүрэг зэрэг түүний буруутай үйлдлийн жагсаалтыг
дахин гаргажээ.
Бичлэгт “До Квон, хэрэв чи сонсож байгаа бол харамсалтай нь хэн ч чиний учруулсан хохирлыг
арилгахын тулд юу ч хийж чадахгүй. Энэ үед бидний хийж чадах цорын ганц зүйл
бол чамд хариуцлага тооцож, аль болох хурдан шудрага ёсыг тогтоох явдал юм" гэжээ.
Хакерын бүлэг До Квоны гэмт
хэргүүдийг илчлэхийн тулд крипто орон зайд орж, түүний үйлдлийг шалгах болно гэж мэдэгдэв.
Тодруулбал Anonymous нь "До Квоны бүх түүхийг тэр дундаа крипто
орон зайд орсноос хойшхи үеийг маш
дэлгэрэнгүй судалж түүнийг
гэрэлд гаргана" гэжээ
