Манай сайт өмнө нь Harmony гүүр хакерын халдлагад өртөж 100 сая доллар алдсан талаар мэдээллэж байсан.
Харин Harmony Horizon Bridge-ээс хулгайлагдсан хөрөнгө Tornado Cash хэмээх крипто холигч руу
шилжиж эхэлсэн нь хакер санал болгож буй 1 сая долларын шагналыг хүлээж авах
бодолгүй байгааг харуулж байна.
6-р сарын 24-нд хулгайлагдсан 100 сая долларын ердөө 1 хувийг нь Хармони
баг санал болгосон нь хууль бусаар олсон орлогыг будлиантуулах шийдвэрт
хүргэсэн бололтой.
6-р сарын 28-ны өглөөний 03:10 цагт хакерын үндсэн түрийвчнээс нийт
18,036.3 ETH буюу 21 сая орчим ам.доллар шилжүүлэгджээ. Дараа нь эдгээр
хөрөнгийг гурав тэнцүү хувааж, гурван өөр хаяг руу нэг гүйлгээгээр тус тус
илгээв.
Tornado Cash нь нэг удаад хамгийн ихдээ 100 ETH холихыг дэмждэг бөгөөд энэ
нь их хэмжээний мөнгө холиход хэдэн цаг зарцуулдаг гэсэн үг юм. ETH холих нь
зоосны гүйлгээний замыг бүдгэрүүлэх зорилготой нууцлалын хэмжүүр бөгөөд өмнөх
гүйлгээнүүд рүү буцаж орохгүй.
Хакерын үндсэн түрийвчнээс ETH хүлээн авсан эхний болон хоёр дахь
түрийвчнүүд зоосыг хольж дуусаад одоо нийтдээ 16.3 ETH үлджээ.
Үүнээс гадна хулгайлагдсан хөрөнгийг эргүүлэн авчрахын тулд юу хийхээр
төлөвлөж байгаа талаар Хармони багаас сэтгүүлчид ихээхэн асуусан боловч хариу
ирүүлээгүй байна.
Төслийн багийнхан твиттер хуудсандаа 6-р сарын 27-ны өдөр Холбооны мөрдөх
товчооны болон нэр хүндтэй блокчейн мөрдлөг, дүн шинжилгээ хийх багтай хамтран
ажиллаж, хакердсан хэргийг шалгаж байгаагаа ахин мэдэгдэв.
Нэмж дурьдахад, 80 сая орчим долларын ETH нь хакерын үндсэн түрийвчинд
хэвээр байна. Тэд хулгайлсан хөрөнгийн тодорхой хэсгийг Horizon-д буцааж өгөх
юм уу, эсвэл 21 сая доллар холиход 13 цаг зарцуулсан тул завсарлага авч
магадгүй юм.
Хэдийгээр хакер халдлага болох үед ойролцоогоор 100 сая доллараар үнэлэгдэж
байсан хулгайлагдсан хөрөнгө ETH-ийн үнийн эерэг хэлбэлзлийн улмаас 101.5 сая
доллартай тэнцэж байна.
