Амралтын өдрүүдээр крипто зах зээл 1 их наяд долларын зах зээлийн үнэлгээг дахин олж авлаа.
Баасан гарагаас хойш 500 сая долларын шорт арилжааны позицууд хаагдсан нь 2022
оны 10-р сараас хойшхи хамгийн өндөр түвшинд хүрсэн гэж Coinalyze мэдээлэв.
Энэ нь арилжаачдын эхний маржин хэсэгчлэн эсвэл бүхэлдээ биелэж, биржүүд хөшүүргийн позицоо хаасны улмаас арилжаачдын 70 гаруй хувь нь алдагдал хүлээсэн гэсэн үг юм. Крипто бирж OKX зөвхөн баасан гаригт 256 сая долларын шорт арилжааны позиц хаагдсны улмаас алдагдал хүлээсэн нь бүх крипто биржүүдийн дунд хамгийн их болсон ба Binance дээр 125 сая доллар, Huobi дээр 42 сая долларын алдагдал хүлээсэн гэж CoinGlass мэдээллээ.
Өнгөрсөн долоо хоногт үнэ хоёр дахин өссөн тул Aptos-ийн уугуул APT токен дээр хамгийн их буюу дангаараа 10 сая гаруй долларын шорт позицууд хаагдсан байна.
Өнгөрсөн долоо хоногоос хойш томоохон криптовалютууд дунджаар 20%-иар өссөнийг CoinGecko мэдээллээс харж болно. Эерэг гарсан инфляцийн тайлангийн дараа биткойны үнэ 22%-иар өсч 21,000 гаруй доллар болж, ETH бараг 1600 доллар болж өссөн бол Солана бараг 70%-иар өсч, 12-р сарын сүүлийн долоо хоногт ердөө 9 доллар байсан бол даваа гаригт 24 доллараар арилжаалагдсан байна.
